30.01.2017 03:02 / Воқеалар / 517

Соғинилган овоз: Ислом Каримов ҳақида ҳужжатли фильм

29 январь куни соат 19.00да "Менинг юртим" телеканалида Ўзбекистоннинг Биринчи президенти Ислом Каримов ҳақида ҳужжатли фильм намойиш этилди.

"Мустақил Ўзбекистон асосчиси" ҳужжатли фильм YouTube порталига жойлаштирилди.

Бу фильм Ўзбекистоннинг энг оғир ва мураккаб бурилиш даврида унга етакчилик қилишни зиммасига олган инсон, мард ва оқил сиёсатчи — Ислом Каримов ҳақида.

Фильмда Ислом Каримовнинг ҳаёти, буюк маданият ва тарихга эга бўлган халқни ҳурликка етаклаган даврлари, мамлакат тинчлиги ва осойишталиги йўлида амалга оширган ишлари, Ўзбекистонни узоқ йиллик истибдоддан кейин мустақил ва ўзини тиклаб олган давлатга айлантириш йўлидаги қадамлари акс эттирилган. Бу фильмда ўзбекистонликлар биринчи президентнинг соғинилган овозини, унинг халққа, ўз таъбири билан айтганда, "фарзандлари"га мурожаатларини яна тинглайди, кўзлар ёшланади...

Фильм мустақил давлатнинг 25 йиллик тарихидаги асосий воқеаларни қамраб олган. Фильмда бир-биридан таъсирли лавҳалар ўрин олганки, бу лавҳалар учун уни яна такрор томоша қилиш мумкин.

Бу фильм учун "Менинг юртим" телеканали ижодкорларига миннатдорчилик билдирган ҳолда қўшимча қилиб айтиш мумкинки, Ислом Каримовдек мураккаб шахс ҳақида янада залворли фильм олиш ҳам мумкин ва Ўзбекистон халқи бундай ташаббусни кутиб қолади.


Sports.uz
Чилонзор тумани ҳокими ўзгарди
Ҳидоятов Даврон Абдулпаттаҳович 17 апрелдан Чилонзор тумани ҳокими лавозимига тайинланди. Бу ҳақда Тошкент шаҳар ҳокимлиги ахборот хизмати маълум қилади.
Сешанба, 18.04.2017 11:05
Франция Ташқи ишлар вазири Ўзбекистонга келмоқда
2017 йилнинг 14 апрель куни Франция Республикаси Ташқи ишлар ва халқаро тараққиёт вазири Жан-Марк Эро расмий ташриф билан Ўзбекистонга келади. Бу ҳақда Ўзбекистон Ташқи ишлар вазирлиги матбуот хизмати хабар берди.
Пайшанба, 13.04.2017 01:46