02.03.2017 04:23 / Воқеалар / 559

Unitel: Ўзбекистонда Beeline брендининг номи ўзгармайди

Абонентлари сони бўйича дунёда олтинчи ўринда турувчи VimpelCom Ltd. телекоммуникацион компанияси номини VEON‘га ўзгартиришни режалаштирмоқда. Мазкур масала 30 март куни акционерларнинг навбатдан ташқари мажлисида муҳокама этилади ва бир тўхтамга келинади. 

“VimpelCom ребрендинг ўтказмоқда, 30 март куни бўлиб ўтадиган навбатдан ташқари мажлисда акционерлар маъқуллашса, ўз номини VEON‘га ўзгартиради”, – дейилади расмий баёнотда.

Номнинг ўзгартирилиши компаниянинг 2017 йилнинг охиригача VEON интернет-платформасини ишга тушириш стратегиясини тезлаштириш мақсадини белгилайди. Бундан ташқари, VimpelCom II чоракда Амстердамдаги Euronext‘да такрорий листинг ўтказишни режалаштирмоқда. 

VimpelCom фаолият юритаётган мамлакатлардаги операцион компанияларнинг брендлари ўзгармайди, шунда VEON ўз стратегиясини оммага олиб чиқиш учун мазкур савдо белгиларининг юқори даражадаги мақомидан фойдаланишни мақсад қилган. VEON Beeline, WindTre, Djezzy, Jazz, Kyivstar вa Banglalink савдо белгиларига таянади.

Unitel компанияси Ўзбекистондаги Beeline брендининг номи  ўзгармаслигини маълум қилди.

“Акционерлар томонидан ребрендинг амалга оширилиши ҳақида ечим қабул қилинса, бу фақат VimpelCom Ltd.га тегишли бўлади. Бизнинг компаниямиз Ўзбекистонда Beeline бренди остида ўз фаолиятини давом эттиради” - дейди МЧЖ Unitel‘нинг жамоатчилик билан алоқалар хизмати раҳбари Ораз Абдуразақов. 



Sports.uz

Фотогалерея Архив

Миробод туманидаги Angel’s Food кафесида ёнғин содир бўлди
Facebook ижтимоий тармоғи фойдаланувчиларидан бири «Водители Ташкента» гуруҳига Тошкент шаҳридаги Angel’s Food овқатланиш масканининг ёнаётгани тасвирланган суратларни жойлаштирди.
Чоршанба, 02.08.2017 01:48
73 нафар Иккинчи жаҳон уруши қатнашчилари Президент маблағлари ҳисобидан Ҳаж зиёратига юборилади
Юртимизнинг турли ҳудудларида истиқомат қилувчи Иккинчи жаҳон уруши қатнашчиларининг муборак Ҳаж зиёратига бориш бўйича билдирган  истаклари ҳамда “Нуроний” жамғармасининг таклифи инобатга олиниб, илгари Ҳаж зиёратига боролмаган ёки бунга имкони бўлмаган Иккинчи жаҳон уруши қатнашчилари Президент томонидан ажратилган маблағлар ҳисобидан Ҳаж зиёратига юбориладиган бўлди. 

Сешанба, 18.07.2017 02:20