Ўзбекистон Республикаси Олий Мажлиси Сенатининг биринчи мажлиси тўғрисида ахборот

Чоршанба, 27.01.2010, 03:32pm (GMT+5)

Тошкентда 26 январ куни Ўзбекистон Республикаси Олий Мажлиси Сенатининг биринчи мажлиси бўлиб ўтди. Мажлисда Ўзбекистон Республикаси Президенти Ислом Каримов иштирок етди.

Марказий сайлов комиссияси раиси Мирзоулуғбек Абдусаломов мажлисни очиб, Олий Мажлиснинг Сенатини шакллантириш якунлари тўғрисида ахборот берди ва сайланган сенаторларни табриклади. Сенаторлар кун тартибини тасдиқлаб, Сенат биринчи мажлисининг муваққат котибиятини, електрон тизимдан фойдаланиш бўйича муваққат назорат гуруҳини сайладилар.

Мажлисда Ўзбекистон Республикаси Президенти Ислом Каримов нутқ сўзлади.

– Авваламбор, бугун сизлар билан мана шу муҳташам залда учрашиб турганимдан хурсанд еканимни билдириб, сизларни халқимизнинг катта ишончига, яъни Олий Мажлисимизнинг юқори палатасига аъзо бўлиб, сенатор деган йуксак номга сазовор бўлганингиз билан чин қалбимдан табриклаб, барчангизга ўзимнинг самимий ҳурматим ва езгу тилакларимни изҳор етаман, – деди давлатимиз раҳбари.

Бугун Сенатнинг биринчи мажлисида қатнашаётган депутатлар – булар илгари ҳам сенаторлик вазифасини бажариб, тажриба топган халқ вакиллари бўладими, илк бор ана шундай юксак шарафга муносиб бўлган инсонлар бўладими, бундан қатъи назар, сизларнинг барчангиз қандай катта ҳаяжон ва кайфиятда еканингизни сезиш, кўриш қийин емас, деб таъкидлади Президентимиз.

Ҳар қайси одамнинг ҳаётида унинг катта-кичик лавозимга кўтарилиши учун қанча ишонч билдирилмасин, инсон ҳар доим барибир ўзига нисбатан ел-юрт томонидан кўрсатилган ҳурмат-еътиборни янгитдан ҳис қилиши, ўзгача ҳаяжонда, шукроналик ва миннатдорлик кайфиятида бўлиши табиий.

Шу маънода, бугун мана шу залда тўпланган Сенат аъзоларининг аксарияти очиқлик ва ошкоралик, холислик ва ҳаққонийлик руҳида, кескин курашларда ўтган сайловларда ғолиб чиқиб, аввал маҳаллий кенгашларга кейин еса Олий Мажлиснинг йуқори палатасига сайланиб, қандай машаққатли танлов ва синовдан ўтганларини яхши англайдилар. Айни пайтда бу ҳолат Сизларнинг зиммангизга нақадар улкан масъулият юклашини ва бу масъулиятни бажариш том маънода фаоллик ва фидойиликни талаб етишини ҳам яхши тасаввур қиласизлар, деб ишонаман.

Сенатнинг янги таркиби ҳам профессионал, ҳам сиёсий, ҳам тайёргарлик нуқтаи назаридан олдинги таркибга нисбатан анча юқори даражада шаклланди. Бу фикрнинг тасдиғи сифатида қуйидаги рақамларни келтириш ўринлидир. Сенат янги таркиби аъзоларининг 94 нафари олий маълумотли бўлиб, уларнинг 18 нафарини иқтисодчилар, 9 нафарини юристлар, 23 нафарини муҳандис-техник ходимлар, 15 нафарини педагоглар, 8 нафарини тиббиёт ходимлари ташкил етади. Сенаторлар орасида 13 нафар фан номзоди, 8 та фан доктори, 2 нафар академик бор.

Олий Мажлисимизнинг йуқори палатасига ишлаб чиқариш, қурилиш, қишлоқ хўжалиги, илм-фан, маданият, таълим-тарбия соҳалари, жамоат ташкилотларининг кўзга кўринган намояндалари аъзо етиб сайлангани, ҳеч шубҳасиз, Сенатнинг салоҳиятини оширишга хизмат қилади.

Ўтган беш йил мобайнида мамлакатимизда Сенат фаолиятини йўлга қўйиш, унинг самарадорлигини ошириш бўйича катта тажриба тўпланганини ҳисобга олишимиз зарур. Давлатимиз раҳбари ана шундай тажрибани орттиришда, Сенат қўлга киритган барча ютуқларга муносиб ҳисса қўшган, бу борада ўзини аямасдан меҳнат қилган Сенатнинг олдинги таркиби аъзоларига чуқур миннатдорлик билдирди.

Ўзбекистонимизни ҳар томонлама тараққий еттириш билан боғлиқ улуғвор вазифаларни амалга оширишда, йуртимиз тинчлиги, халқимиз фаровонлиги йўлида хизмат қилишда барчангизга чин қалбимдан катта муваффақият ва янги омадлар тилайман, деди Президентимиз.

Ўтган давр мобайнида Сенат аввало олий вакиллик органи сифатида Ватанимиз олдида турган йуксак мақсадларга еришиш, умумдавлат ва ҳудудий манфаатларнинг мутаносиблигини таъминлаш, Қонунчилик палатаси томонидан қабул қилинадиган қонунларни кўриб чиқиш ва маъқуллаш, қонун ҳужжатларида белгиланган қоида ва талабларни ҳаётга татбиқ етиш бўйича катта ишларни амалга оширганини таъкидлаш лозим.

Мамлакатимиз раҳбари Сенат фаолиятида йўл қўйилган айрим камчиликлар, еътибордан четда қолган масалалар, унинг олдида турган енг муҳим вазифалар ҳақида ҳам тўхталиб ўтди. Ўз ишимизга ўзимиз танқидий баҳо бермасдан туриб, янгитдан шаклланган Сенатнинг вазифалари, йуртимиздаги тинчлик ва барқарорликни мустаҳкамлаш, ислоҳотларимиз самарасини таъминлаш, бир сўз билан айтганда, бугун ҳаётнинг ўзи талаб қилаётган устувор йўналишларни белгилаб олиш мумкин емас, деб таъкидлади Президентимиз.

Ўзбекистон Республикаси Президенти Ислом Каримов “Ўзбекистон Республикаси Олий Мажлиси Сенатининг Регламенти тўғрисида”ги қонуннинг 4-моддасига биноан Ўзбекистон Республикаси Олий Мажлиси Сенати Раиси ва унинг ўринбосарлари лавозимларига номзодларни тақдим етди.

Сенат аъзолари яширин овоз бериш йўли билан Сенат Раиси лавозимига Илгизар Собировни, Раис ўринбосарлари етиб Мавжуда Ражабова ва Муса Ерниязовни сайладилар. Мажлисга раислик қилувчининг таклифига биноан сенаторлар Сенат қўмиталарини ташкил етдилар ва уларнинг раисларини сайладилар.

Шунингдек, Олий Мажлис Сенатининг Регламент ва етика масалалари бўйича комиссияси ҳам тузилди. Шу билан Ўзбекистон Республикаси Олий Мажлиси Сенатининг биринчи мажлиси ниҳоясига етди

манба: uza.uz