11.01.2017 03:17 / Жамият / 624

Оқсарой қароргоҳи Ислом Каримов музейи сифатида фаолият бошлаши кутилмоқда

Ўзбекистоннинг биринчи президенти Ислом Каримов учун хотира музейи Тошкент шаҳридаги Оқсарой қароргоҳи ҳудудида барпо этилмоқда. Бу ҳақда "Фейсбук" ижтимоий тармоғидаги «Дети Каримова» номли гуруҳда хабар қилинган.

Хабар қилинишича, очилиш маросими Ислом Каримов туғилган кун - 30 январда бўлиб ўтади.

«Кун» манбаларининг маълумотига кўра, қароргоҳ ҳудудида кейинги вақтларда фаол равишда таъмирлаш ишлари олиб борилмоқда.

Оқсаройнинг музейга айлантирилиши ҳақида ўтган ойда ҳам хабарлар тарқатилганди.

Мамлакатнинг янги президенти Шавкат Мирзиёев эса Мустақиллик майдонидаги Сенат биносининг иккинчи қаватида ишлайди. У айни вақтда меҳмонларни шу ерда қабул қилмоқда.

2 йил ичида янги президент учун янги қароргоҳ қурилиши мумкинлиги ҳақида хабарлар мавжуд. Ушбу қароргоҳ қаерда барпо этилиши борасида хабарлар мавжуд эмас.

Оқсарой 2004 йилдан буён марҳум президент Ислом Каримовнинг асосий иш жойи бўлиб келганди. Президент ушбу саройдан асосан чет эллик юксак мартабали меҳмонларни қабул қилишда фойдаланган.


Sports.uz

Фотогалерея Архив

20 августга қадар 10-синфлар шакллантирилади
2 август куни Ўзбекистон президенти Шавкат Мирзиёев раислигида умумтаълим мактаблари ва ўрта махсус, касб-ҳунар таълими муассасалари ўртасида ўзаро интеграцияни таъминлаган ҳолда, 11 йиллик ўрта таълим тизимини жорий этиш, ўрта махсус, касб-ҳунар таълими тизимини тубдан ислоҳ қилиш масалаларига бағишланган видеоселектор йиғилиши бўлиб ўтди. 
Пайшанба, 03.08.2017 02:09
Покистоннинг янги элчиси Ўзбекистонга келди
2 август куни Ўзбекистон Ташқи ишлар вазири Абдулазиз Комилов Покистоннинг янги тайинланган Фавқулодда ва мухтор элчиси Ирфон Юсуф Шами билан учрашди. Вазир элчининг ишонч ёрлиқлари нусхасини қабул қилди, деб хабар қилади ТИВ матбуот хизмати.
Чоршанба, 02.08.2017 01:52