19.04.2017 03:00 / Жамият / 160

Ўзбекистон раҳбарияти академик Анна Глушенкова вафоти муносабати билан таъзия билдирди

Табиий бирикмалар кимёси ва технологияси соҳасидаги таниқли олима, Ўзбекистон Фанлар академияси академиги Анна Ивановна Глушенкова 91 ёшида вафот этди. Бу ҳақда ЎзА хабар берган.

А.Глушенкова 1926 йил 1 августда Россиянинг Волгоград вилоятидаги Рудна туманида туғилган. 1948 йили Ўрта Осиё индустриал институтини (ҳозирги Тошкент давлат техника университети) тугатиб, ушбу институт аспирантурасида таҳсил олди. Дастлаб номзодлик, кейинчалик докторлик диссертациясини ҳимоя қилди. Илм-фан соҳасидаги кўп йиллик хизматлари учун 2000 йилда Ўзбекистон Фанлар академиясининг ҳақиқий аъзоси этиб сайланди.

Истеъдодли олима қарийб 70 йиллик илмий-педагогик фаолияти давомида Тошкент политехника институти (ҳозирги Тошкент давлат техника университети) кафедра мудири, Фанлар академиясининг Ўсимлик моддалари кимёси институти катта илмий ходими, лаборатория мудири, директори, Фанлар академияси президиуми аъзоси каби масъул лавозимларда самарали меҳнат қилди ва мамлакатимизда табиий бирикмалар кимёси ва технологияси соҳасидаги долзарб масалаларни тадқиқ этиш, юқори малакали кадрлар тайёрлашга муносиб ҳисса қўшди.

Заҳматкаш олиманинг илмий ишланма ва тадқиқотлари Ўзбекистон халқ хўжалиги, айниқса, пахтачилик саноатида кенг қўлланиб келмоқда. Унинг пахта толаси ва чигитини қайта ишлаш, улардан зарур истеъмол маҳсулотлари ҳамда дори воситалари тайёрлаш бўйича илмий ишланмалари иқтисодиёт тармоқлари ривожида муҳим аҳамиятга эга.

Олиманинг табиий бирикмалар кимёси ва технологияси соҳасининг назарий ва амалий масалаларига бағишланган 400 дан зиёд илмий мақолалари, китоб ва монографиялари Ўзбекистон ва хорижий мамлакатлар олимлари ва мутахассисларига яхши маълум.

Жонкуяр устоз сифатида кўплаб ёшларга сабоқ берган илм-фан фидойисининг бевосита раҳбарлигида ўнлаб фан номзодлари ва фан докторлари тайёрланган.

А.Глушенкованинг Ўзбекистон илм-фанини ривожлантириш борасидаги хизматлари давлат томонидан муносиб тақдирланган. У «Ўзбекистон Республикасида хизмат кўрсатган фан арбоби» фахрий унвони ва «Меҳнат шуҳрати» ордени билан мукофотланган эди.

«Атоқли олима, меҳрибон устоз, камтарин инсон Анна Глушенкованинг хотираси қалбларимизда ҳамиша сақланиб қолади», — дейилади Ўзбекистон Президенти Шавкат Мирзиёев, Олий Мажлис Сенати раиси Ниғматилла Йўлдошев, Олий Мажлис Қонунчилик палатаси спикери Нурдинжон Исмоилов, Ўзбекистон бош вазири Абдулла Арипов, Президент давлат маслаҳатчиси Аҳмадхўжа Юнусхўжаев, Фанлар академияси президенти Беҳзод Йўлдошев номидан эълон қилинган таъзияномада.


Sports.uz

Фотогалерея Архив

Тиббиёт коллежининг 3 нафар ўқувчиси газ тўлдирилган шарлардан келиб чиққан ёнғинда жабрланди
13 июнь куни Шайхонтоҳур туманидаги Тиббиёт коллежининг ўқувчилари туғилган кунни нишонлаш жараёнида эҳтиётсизликлари туфайли ёниб турган шамлар билан газ (гелий) тўлдирилган шарлар туташиб ёнғин келиб чиққан. Бу ҳақда Тошкент шаҳар ИИББ матбуот хизмати хабар беради.
Пайшанба, 15.06.2017 03:38
Тошкентда янги ички ишлар бўлимлари очилди
Ўзбекистон Республикаси Президенти Фармонига мувофиқ Тошкент шаҳрида 70 та шаҳар ички ишлар бўлимлари ташкил этилиши белгиланган. Бу ҳақда Ўзбекистон ИИВ матбуот хизмати хабар берган. 
Пайшанба, 15.06.2017 03:35
Тошкентда яна Mercedes ёнди" Душанба, 12.06.2017 03:21