05.07.2017 02:57 / Жамият / 213

Ички ишлар органлари ходимларига имтиёзли ипотека кредитлари тақдим этилади

Ўзбекистон ҳукумати 29 июндаги қарори билан ички ишлар органлари ходимларига имтиёзли шартларда турар жой сотиб олиш, қуриш ва реконструкция қилиш учун узоқ муддатли ипотека кредитлари бериш тартибларини тасдиқлади.

Ҳужжат ички ишлар органлари ходимларининг турар жой-маиший шароитларини янада яхшилаш ва уларни замонавий турар жой билан таъминлаш мақсадида қабул қилинди.

Ипотека кредитлари ходимларга турар жой қийматининг камида 25 фоизи миқдоридаги дастлабки бадал тўлангандан кейин камида 10 йил муддатга берилади. Агарда кредит халқаро ва хорижий молия институтларининг грантлари ва инвестициялари ҳисобидан тақдим этилса, ипотека кредитидан фойдаланганлик учун фоиз ставкаси Марказий банк қайта молиялаш ставкасининг 2 фоизидан ортиқ бўлмаган ҳажмда ажратилади.

Ички ишлар органларининг алоҳида ўрнак кўрсатган, юксак профессионализм даражасини намоён қилаётган, ҳуқуқбузарликларга қарши курашга салмоқли ҳисса қўшаётган ва ички ишлар вазири томонидан белгиланадиган ходимлари узоқ муддатли имтиёзли ипотека кредитлар навбатдан ташқари тартибда берилади.

Шу мақсадда 2021 йилга қадар ҳар йили 504 тадан қўшимча квартиралар қуриш ҳудудий дастурларга киритилади (жами — 2520 квартира, жумладан, 280 таси Тошкентда, ушбу миқдор ИИВ таклифига кўра ўзгариши мумкин).

ИИВнинг намунали ходимларига дастлабки тўловни амалга ошириш учун 5 йилга фоизсиз узоқ муддатли қарзлар тақдим этилади. Бундан ташқари, кредит бўйича ҳисобланган фоизларнинг 50 фоизи ИИВга субсидия сифатида ажратилувчи давлат бюджет маблағлари ҳисобидан қопланади.



Sports.uz

Фотогалерея Архив

20 августга қадар 10-синфлар шакллантирилади
2 август куни Ўзбекистон президенти Шавкат Мирзиёев раислигида умумтаълим мактаблари ва ўрта махсус, касб-ҳунар таълими муассасалари ўртасида ўзаро интеграцияни таъминлаган ҳолда, 11 йиллик ўрта таълим тизимини жорий этиш, ўрта махсус, касб-ҳунар таълими тизимини тубдан ислоҳ қилиш масалаларига бағишланган видеоселектор йиғилиши бўлиб ўтди. 
Пайшанба, 03.08.2017 02:09
Покистоннинг янги элчиси Ўзбекистонга келди
2 август куни Ўзбекистон Ташқи ишлар вазири Абдулазиз Комилов Покистоннинг янги тайинланган Фавқулодда ва мухтор элчиси Ирфон Юсуф Шами билан учрашди. Вазир элчининг ишонч ёрлиқлари нусхасини қабул қилди, деб хабар қилади ТИВ матбуот хизмати.
Чоршанба, 02.08.2017 01:52