02.08.2017 01:52 / Жамият / 67

Покистоннинг янги элчиси Ўзбекистонга келди

2 август куни Ўзбекистон Ташқи ишлар вазири Абдулазиз Комилов Покистоннинг янги тайинланган Фавқулодда ва мухтор элчиси Ирфон Юсуф Шами билан учрашди. Вазир элчининг ишонч ёрлиқлари нусхасини қабул қилди, деб хабар қилади ТИВ матбуот хизмати.

Мулоқот чоғида Ўзбекистон-Покистон муносабатларининг ҳолати, Покистоннинг ШҲТнинг тенг ҳуқуқли аъзоси эканлигини ҳисобга олган ҳолда сиёсат ва хавфсизлик соҳаларидаги ҳамкорликнинг ҳамда савдо-иқтисодий, инвестиция, маданий-гуманитар жабҳалардаги ўзаро манфаатли алоқаларни чуқурлаштиришнинг истиқболли йўналишлари муҳокама қилинди.

Учрашувда ҳамкорликни тизимли асосда кенгайтиришдан икки томон ҳам манфаатдор эканлиги таъкидланди ва шу муносабат билан аниқ икки томонлама тадбирлар, жумладан Ўзбекистон ва Покистон ишбилармон доиралари вакиллари ўртасидаги турли шакллардаги алоқаларни фаоллаштириш бўйича чораларни ўз ичига олувчи “Йўл харитаси”ни биргаликда ишлаб чиқиш борасидаги ўз мулоҳазаларини билдиришди.

Суҳбат чоғида айрим халқаро ва минтақавий масалалар юзасидан ҳам фикр алмашилди.


Sports.uz

Фотогалерея Архив

20 августга қадар 10-синфлар шакллантирилади
2 август куни Ўзбекистон президенти Шавкат Мирзиёев раислигида умумтаълим мактаблари ва ўрта махсус, касб-ҳунар таълими муассасалари ўртасида ўзаро интеграцияни таъминлаган ҳолда, 11 йиллик ўрта таълим тизимини жорий этиш, ўрта махсус, касб-ҳунар таълими тизимини тубдан ислоҳ қилиш масалаларига бағишланган видеоселектор йиғилиши бўлиб ўтди. 
Пайшанба, 03.08.2017 02:09
Покистоннинг янги элчиси Ўзбекистонга келди
2 август куни Ўзбекистон Ташқи ишлар вазири Абдулазиз Комилов Покистоннинг янги тайинланган Фавқулодда ва мухтор элчиси Ирфон Юсуф Шами билан учрашди. Вазир элчининг ишонч ёрлиқлари нусхасини қабул қилди, деб хабар қилади ТИВ матбуот хизмати.
Чоршанба, 02.08.2017 01:52