19.12.2016 03:43 / Иқтисодиёт / 754

Тошкент шаҳрининг Мирзо Улуғбек туманини комплекс ривожлантириш дастури қабул қилинди

Вазирлар Маҳкамасининг 12 декабрдаги қарори билан 2017—2019 йилларда Тошкент шаҳрининг Мирзо Улуғбек туманини комплекс ривожлантириш дастури қабул қилинди, деб ёзади UZ24.

Ҳужжат саноат ва экспорт салоҳиятини янада кенгайтириш, мавжуд ресурслардан тўлиқроқ ва самарали фойдаланиш ҳамда муҳандислик-коммуникация ва ишлаб чиқариш инфратузилмасини жадал қуриш, хизматлар ва сервис соҳасини ривожлантириш, аҳолининг бандлиги ва даромадларини ошириш асосида Тошкент шаҳрининг Мирзо Улуғбек туманини комплекс ривожлантиришни таъминлаш мақсадида қабул қилинди.

Хусусан, келаси йили Буюк ипак йўли ва Гулсанам кўчалари кесишмасида «Наврўз» деҳқон бозорини қуриш режалаштирилган. Паркент, Асака ва Мустақиллик кўчалари бўйлаб кўп хонадонли турар-жойлар қурилади.

Шунингдек, 2017—2018 йилларда Лашкарбеги ва Қори Ниёзий кўчалари кесишган жойда беш қаватли кўп хонадонли уйлар, Феруза массивида иккита уй, 2017—2019 йилларда эса Муҳаммад Юсуф кўчасидаги икки қаватли уйлар ўрнига икки қаватли автотураргоҳлари ва савдо объектлари бўлган 30 та уй қуриш кўзда тутилган.

Бундан ташқари, ҳужжатга мувофиқ, туман кўчалари ва даҳалар орасидаги йўлларни қуриш ва таъмирлаш режалаштирилган. 8 та мактаб, 4 та боғча ва 6-сонли поликлиника капитал таъмирдан чиқарилади.


Sports.uz

Фотогалерея Архив

ХВФ: Иқтисодиётни ислоҳ қилиш бўйича режаларни амалга ошириш Ўзбекистоннинг барқарор ўсишини таъминлайди
Ўзбекистон Ҳукуматининг иқтисодиётни ислоҳ қилиш бўйича режаларни самарали ва ўз вақтида амалга ошириш янги ишчи ўринларининг яратилиши бўйича иқтисодиётнинг қобилиятини оширади ҳамда Ўзбекистоннинг барқарор ўсишини таъминлайди. 
Сешанба, 25.07.2017 12:55
Ўзбекистонда ҳар бир чек ҳақида солиқ органларига маълумот етказадиган назорат-касса машиналари ўрнатилади
Ўзбекистонда жорий этилаётган янги тизимга мувофиқ, урилган чеклар ҳақидаги маълумот назорат-касса аппаратларидан солиқ органларига етказилади.
Сешанба, 25.07.2017 12:54