03.01.2017 02:37 / Иқтисодиёт / 528

Ўзбекистонда янги йилда бензин нархи ўзгармади

2017 йилнинг 1 январида транспорт воситалари учун бензин ва дизель ёқилғисига истеъмол солиғи 130 сўмга қимматлашди (1 литри учун 335 сўмдан 465 сўмга). Янги солиқ ставкалари (жисмоний шахслардан автомобиль ёқилғиси учун олинадиган солиқ миқдори) Ўзбекистон президентининг 2016 йил 27 декабридаги қарори асосида ўрнатилган.

Солиқ ставкалари ўзгарган бўлсада, бензиннинг чакана нархи ўзгармасдан қолди. «Ўзнефтмаҳсулот» акциядорлик компанияси «Газета.uz» нашрига изоҳлашича, солиқлар 2016 йилнинг 23 октябрида бензин учун Ўзбекистон бўйлаб белгиланган бир хилдаги нархларни ўз ичига олади.

Шу билан бирга, янгиланган солиқ ставкаси асосида дизель ёқилғисининг 1 литри нархи 130 сўмга ошган (2245 сўм ўрнига 2375 сўм).

Транспорт воситалари учун суюлтирилган ва сиқилган газ истеъмолига солиқ суммаси ўзгармаган.

23 октябрдан эътиборан Аи-80 русумли автобензин 1 литри 2 800 сўм (+34,9 фоиз), Аи-91, Аи-92 ва Аи-93 русумли автобензинлар 1 литри 3 000 сўм (31,6 фоиз), Аи-95 русумли автобензиннинг 1 литри эса 3 300 сўм (31,7 фоиз) этиб белгиланганди.

Ўзбекистонда бензин нархи 2014 йил январида сезиларли даражада оширилганди (20 фоизга). Шундан сўнг нархлар 2015 ва 2016 йилларда истеъмол солиғи ўзгариши сабабли бироз (тегишли равишда 25 ва 45 сўм) кўтарилди.

2016 йилнинг 23 октябрида эса Ўзбекистонда бензин нархи ўртача учдан бирига оширилганди.


Sports.uz
Меҳнат вазирлигида Россиянинг меҳнат муҳожирларига ҳуқуқий кўмак кўрсатиш уюшмаси вице-президенти билан учрашув ўтказилди
11 май куни Ўзбекистон Меҳнат вазирлигида Россиянинг меҳнат муҳожирларига ҳуқуқий кўмак кўрсатиш уюшмаси вице-президенти Юлия Слуцкая билан учрашув бўлиб ўтди. Бу ҳақда вазирлик матбуот хизмати хабар бермоқда.
Жума, 12.05.2017 01:32
Ўзбекистонда долларнинг расмий курси 30 сўмга ошди
Ўзбекистон Марказий банки 11 майдан бошлаб хорижий валюталарнинг сўмга нисбатан янги курсларини белгилади.
Пайшанба, 11.05.2017 03:51