09.01.2017 03:12 / Иқтисодиёт / 92

Ўзбекистонда 27 давлат сайёҳлари учун визаларни бекор қилиш 2021 йилга қадар кечиктирилди

Ўзбекистонга ташриф буюрувчи 27 мамлакат сайёҳлари учун виза тартибини бекор қилиш тўғрисидаги 2017 йил 1 апрелдан кучга кириши лозим бўлган Президент фармони ижроси 2021 йил 1 январга қадар кечиктирилди. Мазкур ўзгариш Президент Шавкат Мирзиёевнинг 22 декабрдаги қарори билан тасдиқланди. Бу ҳақда «Газета.uz» хабар бермоқда.

Эслатиб ўтамиз, давлат раҳбарининг фармонига мувофиқ, 1 апрелдан 15 давлат сайёҳлари ва 12 мамлакатнинг 55 ёшдан ошган сайёҳлари учун виза тартибини бекор қилиш режалаштирилган эди.

Янги ҳужжатда қайд этилишича, виза тартибини бекор қилиш тўғрисидаги қарор сайёҳлик фаолиятини барқарор ва мувозанатлаштирилган ҳолда тараққий эттириш, зарур моддий-техник базани шакллантириш, хорижлик сайёҳлар ва республика фуқаролари ҳаёти хавфсизлиги ва саломатлигини таъминлаш, шунингдек, чет эл давлатлари билан тенг ҳуқуқли ташқи иқтисодий ҳамкорликни ривожлантириш мақсадида қабул қилинди.

Қарорда келтирилишича, виза тартибини кечиктириш тўғрисидаги таклиф Туризмни ривожлантириш давлат қўмитаси, Ташқи ишлар вазирлиги, Ички ишлар вазирлиги, Давлат божхона қўмитаси ҳамда бошқа вазирлик ва маҳкамалар томонидан киритилган.

Шундай қилиб, 2021 йил 1 январдан Ўзбекистон мамлакатга 30 кундан зиёд бўлмаган муддатга сайёҳлик мақсадида келган Австралия, Австрия, Буюк Британия, Германия, Дания, Испания, Италия, Канада, Люксембург, Нидерландия, Корея Республикаси, Сингапур, Финляндия, Швейцария ва Япония фуқаролари ҳамда Бельгия, Индонезия, Хитой (сайёҳлик гуруҳлари таркибида), Малайзия, АҚШ, Франция, Вьетнам, Исроил, Польша, Венгрия, Португалия ва Чехиянинг 30 кундан зиёд бўлмаган муддатда сайёҳлик мақсадида Ўзбекистон Республикасига ташриф буюрувчи 55 ёшдан ошган фуқаролари учун виза тартибини бекор қилади.


Sports.uz
Ўзбекистон ва Россия Бош прокурорлари Москвада музокаралар ўтказди
Ўзбекистон Республикаси Бош прокурори Ихтиёр Абдуллаев россиялик ҳамкасби Юрий Чайка билан Москвада музокаралар ўтказди. Бу ҳақда Россия Бош прокуратураси матбуот хизмати маълум қилди, дея хабар беради UzDaily.
Сешанба, 17.01.2017 04:41
Сирдарёда экскаваторларни таъмирлаш заводи қурилади
Ўзбекистон Президенти Шавкат Мирзиёев «Экскаваторлар ва гусеницали техникани таъмирлаш заводини қуриш» инвестиция лойиҳасини оптималлаштириш чора-тадбирлари тўғрисида қарор (pdf) имзолади, деб ёзади UzDaily.
Душанба, 16.01.2017 03:45