22.03.2017 03:50 / Иқтисодиёт / 256

Тошкент учун 865 дона автобус сотиб олинади

Ўзбекистон Республикаси Вазирлар Маҳкамаси 2017 йил 11 мартда «Тошкент шаҳрида йўловчи ташиш транспортини янада ривожлантириш чора-тадбирлари тўғрисида»ги қарорини қабул қилди. 

Ҳужжат матни Ўзбекистон Республикаси Қонун ҳужжатлари маълумотлари миллий базаси – Lex.uz сайтида жойлаштирилган. Унга кўра, 2020 йилгача бўлган муддатда «Тошшаҳартрансхизмат» компанияси корхоналарига маҳаллий ишлаб чиқарувчиларнинг 865та автобуси билан тўлдирилади. MAN Avto-Uzbekistan қўшма корхонасининг табиий газда ҳаракатланувчи 350та катта сиғимли MAN автобуси ҳамда Самарқанд автозаводида ишлаб чиқариладиган 515 дона Isuzu автобуси харид қилинади. 

Тасдиқланган дастурга мувофиқ, 2017 йилда Тошкент шаҳри кўчаларида 50та MAN ва 140та Isuzu, 2018 йилда — 110 ва 175, 2019 йилдан — 190 ва 200 дона янги MAN, Isuzu автобуслари ҳаракатланади. Жумладан, 2018 йилда шаҳарлараро йўналишларда қатновчи 30та юмшоқ ўриндиқли MAN автобуси сотиб олинади. 

Шу билан бирга, ҳужжатда шаҳар йўловчи транспорти  йўналишларини такомиллаштириш ва янгиларини очиш ҳам белгиланган. Жумладан, 77 йўналишида трасса ҳаракати қисқартирилади, 4тасида ўзгартирилади ва 4тасида — узайтирилади. Шунингдек, 5та янги йўналиш очилади ва 2 таси ёпилади. Шаҳар атрофидаги йўналиш бўйича 8та йўналишда трасса ҳаракати қисқартирилади.

Қарорда қайд этилишича, 8 йўналишда қатновчи Mercedes-Benz автобуслари маҳаллий Isuzu’лар билан алмаштирилади. 5-автобус паркининг саккизта йўналиши 1- ва 2- автобус паркларига берилиб, 5-парк ҳудудида таъмирлаш базаси ташкил этилади.

33 йўналишда қатновчи йўналишли такси микроавтобуслари такомиллашган ва замонавий русумдагилари билан алмаштирилади ҳамда 7та йўналиш ёпилиб, 8тасининг ҳаракат чизмаси ўзгаради. 

2017 йил 1 июлга қадар Тошкент метрополитенининг «Пахтакор», «Беруний» ва «Олмазор» бекатлари, 2018 йил 1 январига қадар «Дўстлик» ва «Чорсу», 2019 йилда «Туркистон» станцияси яқинидаги автобус ва йўналишли таксиларнинг охирги тўхташ пунктларини реконструкция қилиш режалаштирилган.

Шаҳар атрофида қатновчи автобус йўналишларининг охирги тўхташ пунктларини Тошкент ҳалқа автомобиль йўли бўйлаб жойлаштириш белгиланган. Йўловчи транспортлари ҳаракатини GPS-мониторинг қилиш тизими янада ривожлантириш ишлари давом эттирилади. Икки ой ичида, Тошкент шаҳар йўловчи транспортида йўлкира тўлашнинг автоматлаштирилган тизимини жорий этиш бўйича ҳукумат қарори лойиҳаси тайёрланиши белгиланган.

Шу билан бирга, 2030 йилгача Тошкент йўловчи транспортини ривожлантириш концепциясини ишлаб чиқиш режалаштирилган. Йўловчиларга хизмат кўрсатиш сифатини ошириш мақсадида 670 нафар ҳайдовчи қайта тайёрланади. 


Sports.uz

Фотогалерея Архив

Долларнинг расмий курси 3900 сўмдан ошди
Марказий банк хорижий валюталарнинг сўмга нисбатан янги қийматларини белгилади, деб хабар берди Uz24.

Душанба, 12.06.2017 03:22
Ўзбекистон Президенти Шавкат Мирзиёев ЭКСПО-2017 халқаро кўргазмаси очилиш маросимида иштирок этди
Кўргазмада Ўзбекистон, Россия, АҚШ, Хитой, Германия, Буюк Британия, Франция, Япония, Жанубий Корея, Туркия, Ҳиндистон, Вьетнам, Арманистон, Покистон, Озарбайжон, Беларусь, Куба, Туркманистон, Руминия, Бразилия сингари 120 дан зиёд давлат ўзининг технологик, илмий, маданий ютуқларини намойиш этмоқда. 
Шанба, 10.06.2017 09:31