O‘zbekistonlik fuqaro o‘z avtomobilida Finlyandiyagacha bordi

Mirfayoz Mirboboyev o‘zining “Chevrolet Spark” avtomobilida Finlyandiyaga yetib borgan. U bu haqida o‘zining “Instagram” sahifasida ma’lum qildi.

U yolg‘iz sayohat qilmoqda va O‘zbekistondan Shvetsiyaga borib, uyga qaytadigan marshrut bo‘ylab 17 ta mamlakatga tashrif buyurishni rejalashtirgan: Qozog‘iston, Rossiya, Finlyandiya, Estoniya, Latviya, Norvegiya, Germaniya, Niderlandiya, Bolgariya, Ruminiya, Turkiya, Gruziya va boshqa davlatlar.

Mirfayozning aytishicha, u 22 000 kilometr yo‘l bosishni rejalashtirmoqda. 3-fevral holatiga ko‘ra, u allaqachon 5 500 kilometr masofani bosib o‘tgan va 30 kunlik ta’tili davomida sayohatni yakunlashni mo‘ljallamoqda.