IIBB matbuot xizmatining xabariga ko‘ra, Ramazon oyi kechalaridagi tarovih namozi munosabati bilan 28-fevraldan har kuni soat 18:00 dan 24:00 gacha masjidlar yaqinidagi yo‘llar transport vositalari harakati uchun cheklanadi.
Mirzo Ulug‘bek tumani:
- Tepa masjidi – Do‘rmon yo‘li ko‘chasidan Olimlar ko‘chasigacha.
Bektemir tumani:
- Alibek masjidi – M. Avezov ko‘chasidan X. Boyqaro ko‘chasigacha.
Yashnobod tumani:
- Islom ota masjidi – Farg‘ona yo‘li ko‘chasi ikkinchi darajali yo‘ldan Zarkent va Obishir ko‘chalarigacha.
- Ali ibn Abu Tolib masjidi – Cho‘lpon ko‘chasidan Salohiyat ko‘chasigacha.
Mirobod tumani:
- Valixo‘ja o‘g‘li Norxo‘ja masjidi – Yangi-Qo‘yliq-Fayziobod ko‘chalari kesishgan chorrahadan 5-tor Fayziobod ko‘chasigacha.
- Qo‘yliq ota masjidi – TXAY-Qo‘yliq ota ko‘chalari kesishgan chorrahadan Yangi Qo‘yliq tor ko‘chasigacha.
Sergeli tumani:
- Ma’ruf ota masjidi – Choshtepa ko‘chasidan 1-tor Choshtepa ko‘chasigacha.
- No‘g‘ayqo‘rg‘on masjidi – Yangi Sergeli-S. Xo‘janov ko‘chalari kesishmasidan- S. Xo‘janov Mohidil ko‘chalari kesishmasigacha.
Yakkasaroy tumani:
- Usmon bin Ma’zum masjidi – KXAY-Fayzli Toshkent chorrahasidan KXAY-Qushbegi chorrahasigacha.
- Yakkasaroy masjidi – Sh. Rustaveli-Yakkasaroy chorrahasidan Yakkasaroy-Bog‘u bo‘ston chorrahasigacha.
- Rakat masjidi – J. Shoshiy ko‘chasidan Askiya ko‘chasigacha.
Yangihayot tumani:
- Niyozmat ota masjidi – TXAY-Binokor chorrahasidan Pastdarxon mahallasiga kirishgacha.
Shayxontohur tumani:
- Shayx Zayniddin (Ko‘kcha) masjidi – Ko‘kcha Darvoza-Nurafshon chorrahasidan Ko‘kcha Darvoza Beshqayrag‘och chorrahasigacha.
- Kamolon masjidi – Bunyodkor-Kamolon chorrahasidan Kamolon-2-tor Ustazoda chorrahasigacha.
Olmazor tumani:
- Hazrati imom masjidi – Nurafshon-Qorasaroy chorrahasidan Qorasaroy-A. Qodiriy chorrahasigacha.
- Islomobod masjidi – KXAY-Sag‘bon chorrahasidan Nurafshon-Sag‘bon chorrahasigacha.
- Do‘stjonboy (Sulola) masjidi – Sag‘bon-12-tor Sag‘bon chorrahasidan Keles yo‘li-Noraztepa chorrahasigacha.
Yunusobod tumani:
- Mirza Yusuf masjidi – Bog‘ishamol ko‘chasida Shivli ko‘chasigacha.
Uchtepa tumani:
- Abdulloh ibn Mas’ud (Katta Qani) masjidi – Katta Qani aylanmasidan Lutfiy-Katta Xirmontepa ko‘chasi chorrahasigacha.
- Hazrati Ali masjidi – Nazarbek-Mahorat chorrahasidan Nazarbek-1-tor Zamaxshariy ko‘chasigacha.
Chilonzor tumani:
- Novza masjidi – Bunyodkor-Muqimiy ko‘prigi tagidan 2-darajali yo‘l, Bunyodkor-Kamolon ko‘prigigacha.
- Shayx Muhammad Sodiq Muhammad Yusuf masjidi – Al-Xorazmiy-Gavhar chorrahasidan So‘galli ota ko‘chasigacha.
- Ubay ibn Ka’f (Bo‘rijar) masjidi – Al-Xorazmiy-Katta Xirmontepa chorrahasidan, Al-Xorazmiy ko‘chasi bo‘ylab, Al-Xorazmiy-Katta Qani chorrahasigacha.
“Ushbu ko‘chalarda faqatgina maxsus transport vositalarining harakatlanishiga ruxsat beriladi”, – deyiladi xabarda.
Комментарии