21-noyabrgacha Toshkentdagi moc hub’da Markaziy Osiyo eksperimental kinosining har yili o‘tkaziladigan Nomsiz festivali bo‘lib o‘tadi. Dasturdan mintaqa mualliflarining yangi qisqa metrajli filmlari, videosan’at retrospektivalari, ma’ruzalar va audiovizual performanslar o‘rin olgan, deya xabar beradi festival tashkiliy qo‘mitasi.
14-noyabr kuni soat 17:00 da “Turkiston arxivi”, “Zamonaviy san’at” tashabbuslari hamda “Astral Nomads” ishtirokchilari Markaziy Osiyoning mustaqil arxivlari haqida so‘zlab berishadi, soat 19:00 da esa qirg‘izistonlik rassom Chingiz Aydarovning videoh asarlari retrospektivasi namoyish etiladi. 15-noyabr kuni soat 17:00 da Qozog‘istondan kelgan kurator Yuliya Sorokina “Vide san’at media-konstruktor sifatida” mavzusida ma’ruza qiladi, soat 19:00 da esa “Qozog‘iston vide san’ati: kurator guvoh sifatida” retrospektivasi bo‘lib o‘tadi.
16-17 noyabrdagi tanaffusdan so‘ng festival 18-noyabr kuni Fragile Architecture esse-filmlari dasturi bilan davom etadi. 19-noyabr kuni soat 18:30 da Said Usar Bek va Hamidulla Xasanovning o‘zbekcha va ruscha subtitrlar bilan namoyish etiladigan unutilgan “Tuy” filmi ko‘rsatiladi. Festivalning asosiy qismi — 19 va 20-noyabr kunlari soat 20:00 da bo‘lib o‘tadigan Markaziy Osiyoning yangi eksperimental kinosiga bag‘ishlangan ikki seans; har bir seansda oltitadan film namoyish etiladi. 20-noyabr kuni soat 18:30 da Avstraliyaning “Karrabing Film Collective” jamoasi retrospektivasi bo‘lib o‘tadi.
Nomsiz festivali 21-noyabr kuni soat 22:00 da SURR x NOMSIZ audiovizual performanslari turkumi bilan yakunlanadi. Barcha namoyishlar va uchrashuvlar moc hub’da (Buyuk Turon ko‘chasi, 77) o‘tkaziladi, kirish bepul va ro‘yxatdan o‘tish talab etilmaydi; performanslar uchun ro‘yxatdan o‘tish va chipta kerak.