Shanba kuni, 21-noyabrda, Human House galereyasida “Flakondagi feromonlar” ma’ruzasi bo‘lib o‘tadi, deya Human House galereyasi xabar bermoqda. Boshlanishi — soat 17:00 da.
Uchrashuvda boshqa insonning hidida bizni nima o‘ziga tortishi, portlovchi moddalarni izlash parfyumeriyaga mushkni qanday olib kirgani va nega har beshinchi odam zamonaviy parfyumeriyadagi eng urfdagi molekulalardan birini sezmasligi haqida so‘z yuritiladi. Dasturdan tortishuv molekulalari, feromonlar haqidagi afsona va haqiqat, blotterlardagi hidlar bilan tanishish hamda jonli muhokama o‘rin olgan.
Ishtirok etish narxi — 100 000 so‘m, oldindan to‘lov asosida.