Shanba kuni, 14-noyabr soat 18:00 da Human House galereyasida Yuliya Aukhadeevaning “Ko‘chmanchilar va shaharlar: Markaziy Osiyoning ikki dunyosi” mavzusidagi ma’ruzasi bo‘lib o‘tadi, deb xabar beradi Human House galereyasi.
Markaziy Osiyo tarixi haqida gap ketganda, odatda Samarqand, Buxoro, qadimiy shaharlar va savdo karvonlari yodga olinadi. Uchrashuvda dasht haqida ham so‘z yuritiladi: ko‘chmanchilar va o‘troq aholi asrlar davomida qanday qilib yonma-yon yashagani, savdo qilgani, urushgani, ittifoqlar tuzgani va davlatlar barpo etgani haqida.
Ma’ruzachi ko‘chmanchilar nima uchun nafaqat bosqinchilar, balki o‘z davlatlari va siyosiy an’analarini yaratgan bunyodkorlar ham bo‘lganini, shuningdek, dasht shaharlar va savdo yo‘llarining rivojida qanday rol o‘ynaganini tahlil qiladi. Xaritalar, illyustratsiyalar va tarixiy misollar namoyish etiladi; tarix bo‘yicha maxsus bilim talab qilinmaydi.
Ishtirok etish narxi — 100 000 so‘m. Joylar cheklangan, ro‘yxatdan o‘tish uchun Telegram orqali @hhuzevent manziliga murojaat qilish mumkin. Manzil — Kichik Mirobod ko‘chasi, 43-uydagi galereya.