18-noyabr kuni “Akademiya” galereyasida O‘zbekiston xalq rassomi Javlon Umarbekovning “Absurdlar” nomli shaxsiy ko‘rgazmasi ochiladi, bu haqda O‘zbekiston Badiiy akademiyasi xabar berdi. Ochilish marosimi soat 11:00 da bo‘lib o‘tadi.
Javlon Umarbekov — O‘zbekiston Badiiy akademiyasi akademigi, professor va pedagog, “Fidokorona xizmatlari uchun” ordeni sohibi. Akademiyada uning zamonaviy o‘zbek rangtasvirini rivojlantirishga qo‘shgan katta hissasi qayd etildi.
“Akademiya” galereyasi Sodiq Azimov ko‘chasi, 35-uy manzilida joylashgan. Tashkilotchilar ko‘rgazmaning qachongacha davom etishini hozircha ma’lum qilishmagan.