Farz

Собир ака – ҳалол ва меҳнаткаш уста. У бутун умри давомида тўғри йўлда юриб, ҳалол меҳнати билан яшайди. Унинг ягона орзуси – Ҳажга бориш. Хотини Холида ая билан биргаликда зиёратга бориш учун маблағ йиғиб, сабр-тоқат билан навбат кутади. Бироқ ҳаёт унга кутилмаган синовларни тайёрлаб қўйган экан. Унинг қадрдон дўсти Шокир ака вафот этади ва уйи ёнғинда вайрон бўлади. Шокир аканинг бева қизи Мастура ҳамда унинг ногирон боласи бошпанасиз қолади. Собир ака ўзининг ҳаж учун йиғган маблағини уларга уй қуриб бериш учун ишлатишга қарор қилади. Афсуски бу ҳолат маҳалладаги баъзи риёкор ва нафратга тўла инсонларга ёқмайди. Улар Собир ака ҳақида туҳмат гаплар тарқатишади.