8-mart va Navro‘zda o‘zbekistonliklar necha kun dam oladi?

Kambag‘allikni qisqartirish va bandlik vazirligi kelayotgan bayramlar munosabati bilan dam olish kunlari jadvalini e’lon qildi.

Mehnat kodeksiga ko‘ra, quyidagi dam olish kunlari belgilangan:

• 8-mart (shanba) – Xalqaro xotin-qizlar kuni;
• 9-mart (yakshanba) – dam olish kuni;
• 10-mart (dushanba) – 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni;
• 21-mart (juma) – Navro‘z bayrami;
• 22-mart (shanba) – 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni;
• 23-mart (yakshanba) – dam olish kuni.

Eslatib o‘tamiz, Mehnat kodeksining 208-moddasiga asosan dam olish kuni ishlanmaydigan bayram kuniga to‘g‘ri kelsa, dam olish kuni bayramdan keyingi ish kuniga ko‘chiriladi.