5-fevraldan O‘zbekiston va Qozog‘iston chegarasida joylashgan “G‘ishtko‘prik” chegara posti ta’mirlash ishlari sababli yopiladi. Bu haqida Bojxona qo‘mitasi matbuot xizmati xabar bermoqda.
Qayd etilishicha, postda vaqtinchalik binolarni demontaj qilish, hududni obodonlashtirish, postga tutash hududda zarur infratuzilmani tashkil etish nazarda tutilgan.
Fuqarolar va transport vositalari “Navoiy” chegara bojxona postiga yo‘naltiriladi.
“Jismoniy shaxslar, yengil avtomobillar va avtobuslar harakati uchun qulay bo‘lishini ta’minlash maqsadida “Navoiy” chegara bojxona postida yuk avtotransport vositalari harakati cheklanadi”, – deyiladi xabarda.
Izoh