“Disney” kompaniyasi “Muzlik davri: Qaynash nuqtasi” multfilmining rasmiy treylerini taqdim etdi, deb xabar berdi studiya matbuot xizmati. Film 2027-yil 5-fevral kuni kinoprokatga chiqadi.
Bu franshizaning oltinchi to‘liq metrajli qismi va 2016-yilda chiqqan “Muzlik davri: To‘qnashuv muqarrar” filmidan keyingi o‘n yil ichidagi ilk qismdir. Film rejissyori — Jon K. Donkin, prodyuseri — Lori Forte.
Poda avval namoyish etilmagan Yo‘qolgan dunyo hududlariga yo‘l oladi. U yerda qahramonlarni dinozavrlar va lava orasidagi sarguzasht kutmoqda. Qahramonlarga yana Rey Romano (Manni mamont), Jon Leguizamo (Sid yalqov), Denis Liri (Diego qilichtishli yo‘lbars), Kuin Latifa (Elli mamont) va Saymon Pegg (Bak suvsari) ovoz beradi. Ular bilan birga kadrlarda Skret, kichkina Skret va ulkan yura davri Skreti ham paydo bo‘ladi.
Studiya qo‘shimcha aktyorlar tarkibini ham e’lon qildi. Ular orasida Eshli Park, Josh Pek, Vinsent Tong, Adam DeVayn, Koko Jons va Kris Uedj bor.
Izoh