Parij-2024 Olimpiya chempioni Diyora Keldiyorova Zagrebda (Xorvatiya) dzyudo bo‘yicha Gran-pri turkumidagi turnirning 52 kilogrammgacha bo‘lgan vazn toifasida bronza medalini qo‘lga kiritdi. Bu haqda O‘zbekiston Milliy olimpiya qo‘mitasi xabar berdi.
O‘zbekistonlik sportchi yarim finalga qadar uchta g‘alabali jang o‘tkazdi: u qozog‘istonlik Aruzhan Yerezhепovani, marokashlik Sumiya Irauini va Kosovodan Fatjona Kasapini mag‘lub etdi. Keldiyorova yarim finalda vengriyalik Roza Dyortyashga muddatidan oldin imkoniyatni boy berdi.
Uchinchi o‘rin uchun kechgan bahsda Keldiyorova fransiyalik Blandin Ponni mag‘lub etib, shohsupaga ko‘tarildi. Zagrebdagi turnir 13-noyabr kuni boshlandi va 15-noyabrga qadar davom etadi.
Izoh