Margot Robbi norvegiyalik rejissyor Kristoffer Borglining The Week of Pain filmida bosh rolni ijro etadi, deb xabar bermoqda Deadline. Filmni A24 studiyasi Ari Aster va Lars Knudsenning “Square Peg” kompaniyasi, shuningdek, Robbining o‘ziga tegishli “Dilemma Films” va “LuckyChap” prodyuserlik kompaniyalari bilan birgalikda moliyalashtiradi va prodyuserlik qiladi.
Borgli film ssenariysi muallifi ham bo‘ladi. Rejissyor va “Square Peg” kompaniyasining loyihalarida odat tusiga kirganidek, syujet tafsilotlari sir tutilmoqda. Suratga olish ishlari 2027-yilga rejalashtirilgan.
Borgli A24 uchun Nikolas Keyj ishtirokidagi “Orzularimiz qahramoni” komediyasini suratga olgan. Bahorda esa uning Zendeya va Robert Pattinson ishtirokidagi “Drama” filmi ekranlarga chiqdi va jahon prokatida 134 million dollar daromad keltirdi. “Oskar” mukofotining uch karra nomzodi bo‘lgan Robbi bu yil Emerald Fennellning “Wuthering Heights” filmida rol o‘ynadi, hozir esa Bredli Kuper ishtirokidagi “Oushenning 11 do‘sti” filmining prikveli suratga olish ishlarini yakunlamoqda.
Izoh