O‘zbekiston dzyudo terma jamoasi Moskvada bo‘lib o‘tgan Shanxay hamkorlik tashkilotining ochiq kubogida yettita medalni qo‘lga kiritdi, bu haqda O‘zbekiston Sport vazirligining xabarida ma’lum qilindi. Jamoa hisobida ikkita oltin, to‘rtta kumush va bitta bronza medal bor.
Tatamiga chiqqan sakkiz nafar o‘zbekistonlik dzyudochining yetti nafari turnir sovrindoriga aylandi. Nizomiddinxuja Toshpo‘latov 73 kg gacha, Muhammadali Tangriyev esa 100 kg dan yuqori vazn toifalarida oltin medalni qo‘lga kiritdi.
Kumush medallarni Muhayyo Ahmadova (57 kg gacha), Sarvinoz Xusanova (63 kg gacha), Alisher Samanov (90 kg gacha) va Muhammadali Zoirov (100 kg gacha) qo‘lga kiritdi. Sevinch Murodova 48 kg gacha vazn toifasida bronza medaliga sazovor bo‘ldi.
Izoh