15-noyabr kuni “O‘zbekiston futbol assotsiatsiyasi” maydonida “Play and Shine” dasturiga rasman start berildi, deb xabar berdi assotsiatsiya. Dastur 5 yoshdan 9 yoshgacha bo‘lgan qizlarga mo‘ljallangan bo‘lib, o‘yinlar va mashg‘ulotlar orqali ularning futbolga qiziqishini oshirish hamda asosiy jismoniy ko‘nikmalarini rivojlantirishni ko‘zda tutadi.
Mashg‘ulotlarda maxsus tayyorlangan “Tumoris” uslubiy qo‘llanmasidan foydalaniladi. Unda syujetli hikoyalar, o‘yin topshiriqlari va futbol mashqlari jamlangan.
Loyiha O‘zbekistonda ayollar futbolini 2025-2029 yillarda rivojlantirish strategiyasi doirasida amalga oshirilmoqda. U futbolchi qizlarning yangi avlodi shakllanishi sari tashlangan dastlabki qadam sifatida ishlab chiqilgan.
Izoh