O‘zbekiston xalq artisti Matyoqub Matchanov Istanbulda bo‘lib o‘tgan turkiy dunyo VI “Qo‘rqut Ota” kinofestivalida eng yaxshi erkak roli uchun mukofot oldi. Unga mukofot Sarvar Karimovning “Farz” filmidagi roli uchun berildi, deb xabar beradi O‘zbekiston Madaniyat vazirligi.
Festivalning yana ikkita mukofoti o‘zbekistonlik ijodkorlar filmlariga nasib etdi. Muminjon Tursunovning “Hayotga tashnalik” (“Жажда жизни”) hujjatli filmi “Eng yaxshi hujjatli film” nominatsiyasida ikkinchi o‘rinni egalladi, Dilshodbek Usmonov va Suxrob Qodirov rejissyorligidagi “Quyosh bolasi Yusuf” (“Юсуф — сын солнца”) qisqa metrajli filmi esa qisqa metrajli filmlar orasida uchinchi o‘rinni oldi.
Qisqa metraj kategoriyasida g‘olib bo‘lgan turkiyaning “Rehber” filmiga mukofotni madaniyat vazirining birinchi o‘rinbosari, Kinematografiya agentligi direktori Jahongir Ahmedov topshirdi.
Izoh