Parkentda “Oltin bel” sayyohlik majmuasi qurildi

214
Parkentda “Oltin bel” sayyohlik majmuasi qurildi Parkentda “Oltin bel” sayyohlik majmuasi qurildi
Foto: Пресс-служба президента

Parkent tumanining Kumushkon qishlog‘ida “Oltin bel” sayyohlik majmuasi barpo etildi. Prezident Shavkat Mirziyoyev 20-noyabr kuni majmuadagi sharoitlar bilan tanishdi, bu haqda davlat rahbarining rasmiy sayti xabar berdi.

47 gektar hududda to‘rtta mehmonxona, 51 ta dam olish maskani, restoranlar, maydoni 2,2 ming kvadrat metr bo‘lgan akvapark, 14 ta attraksion, uzunligi 650 metr bo‘lgan zipline, karting trassalari, rodelban, amfiteatr va hayvonot bog‘i qurilgan. Loyihaga qariyb 700 mlrd so‘m investitsiya kiritilgan.

Mehmonxonalarni boshqarish turkiyalik Elite World kompaniyasiga topshirilgan. Majmua to‘liq foydalanishga topshirilgach, kuniga 6 ming nafargacha mehmonni qabul qila oladi va 600 ta ish o‘rni yaratiladi.

Izoh

Sevimlilardan o‘chirish?