Toshkentda shahardagi beshta kanal qirg‘oqlari mustahkamlanib, ular bo‘ylab piyodalar va sayr yo‘laklari barpo etilmoqda, deya xabar beradi Toshkent shahar hokimligi matbuot xizmati.
Ishlar Bo‘zsuv, Salar, Damashi, Jyun va Bo‘rijar kanallari bo‘ylab olib borilmoqda. Ular Yunusobod, Shayxontohur, Yakkasaroy, Chilonzor, Uchtepa, Mirzo Ulug‘bek, Yashnobod, Mirobod, Sergeli, Yangihayot va Olmazor tumanlaridagi umumiy uzunligi 66,55 kilometr bo‘lgan hududlarni qamrab oladi.
Shu bilan birga, kanallarning muhofaza hududlarida 11,46 gektar maydonda yerlarni o‘zboshimchalik bilan egallab olish bo‘yicha 326 ta holat aniqlandi. Noqonuniy qurilmalar 275 ta holat bo‘yicha allaqachon buzib tashlangan — bu aniqlangan qoidabuzarliklarning 84 foizini tashkil etadi, qolgan 51 ta holat bo‘yicha ishlar davom etmoqda. Hokimlik ma’lum qilishicha, kanallar bo‘yida sayr qilish va hordiq chiqarish uchun obodonlashtirilgan jamoat maskanlari tashkil etiladi.
Izoh